‘தகராறு’ படத்தில் தாரை தப்பட்டையில் கலக்கியுள்ள தரண்குமார்

அருள்நிதி நடித்துள்ள ‘தகராறு’ படத்தின் பாடல்கள் ரசிகர்களிடம் வரவேற்பை பெற்று வருகின்றன. கணேஷ் விநாயக் என்பவர் இயக்கியுள்ள இந்தப்படத்திற்கு இசையமைத்திருப்பவர் தரண்குமார். பாரிஜாதம், போடா போடி படங்களுக்கு இசையமைத்த அதே தரண்குமார் தான்.

இந்தப்படத்தில் வேல்முருகன் மற்றும் சின்னப்பொன்னு இருவரும் இணைந்து பாடியுள்ள ஒரு கிராமத்து திருவிழாப்பாடலில் தாரை, தப்பட்டை, தவில் என நாட்டுப்புற வாத்தியங்களை மட்டுமே பயன்படுத்தி இசையமைத்திருக்கிறாராம் தரண்.

“மேற்கத்திய பாணி பாடல்களுக்கு இசையமைப்பது சுலபம். ஆனால் நாடுப்புறப்பாடல்களுக்கு இசையமைத்தது ஒரு புதுவிதமான அனுபவமாக இருந்தது” என்கிறார் தரண்குமார்.