இம்சை அரசன் இயக்குனரின் அடுத்த இம்சை ரெடி!

தலைப்பை பார்த்ததும் பயந்துவிடாதீர்கள்! இயக்குனர் சிம்புதேவனின் காமெடி இம்சையைத்தான் அப்படிச் சொன்னோம். இம்சை அரசன் 23 ம் புலிக்கேசி, இரும்புக்கோட்டை முரட்டுச் சிங்கம், அறை எண் 305 ல் கடவுள் போன்ற படங்கள் மூலம், மக்கள் மனதில் இடம்பிடித்த இயக்குனர் சிம்புதேவனின் அடுத்த படம் இதோ ரெடியாகிவிட்டது. ”ஒரு கன்னியும் மூன்று களவாணிகளும்” என்பது படத்தின் பெயர்.

அருள்நிதி – பிந்துமாதவி இப்படத்தில் நடிக்கின்றனர். சிம்புதேவன் என்றாலே, வித்தியாசமான காமெடிக்கதைகளை வழங்குவார் என்பது ரசிகர்களின் நம்பிக்கை! இப்படத்திலும் அது உண்டு என்கிறார்கள்! நடுத்தர மக்களின் வாழ்க்கை முறையை காமெடி கலந்து சொல்லியிருக்கிறாராம் இயக்குனர்.

அத்தோடு இப்படத்தில் ஒரு முக்கிய மெஸ்ஸேஜ் உண்டாம்! அது என்ன வென்றால், “நமக்குன்னு இருக்கும் விஷயங்களை நாம் இழந்துவிடக்கூடாது” இதுதானாம் மெஸ்ஸேஜ். பார்க்கலாம், தான் சொல்ல நினைப்பதை சரியான முறையில் ரசிகர்கள் மத்தியில் கொண்டு செல்கிறாரா சிம்பு தேவன்? என்று!