Anjali Latest Beautiful Stills

Aishwarya Rai Latest Photoshoot Stills

Actress Aavaana New Photos

“விஸ்வரூபம்2′ பிப்ரவரியில் வெளியீடா?

கமலின், “விஸ்வரூபம்2 படம் வெளியிடும் தேதி இன்னும் முடிவு செய்யப்படவில்லை. என, பட குழுவினர் தெரிவித்தனர். நடிகர் கமல்ஹாசன், நடித்து, இயக்கி, தயாரித்த, “விஸ்வரூபம் படம் பல பிரச்னைகளை சந்தித்தபோதும், வெற்றி பெற்றது.

இதனால், “விஸ்வரூபம்2 படத்தை, நடித்து, இயக்கி, கமல்ஹாசன் தயாரித்துள்ளார். இப்படத்தை தீபாவளிக்கு வெளியிட இருப்பதாக கூறப்பட்டது. ஆனால், படப்பிடிப்பு இன்னும் நடத்தப்பட வேண்டியுள்ளது எனவும், வெளியீடு தேதி தற்போது சொல்லமுடியாது எனவும், கடந்த அக்டோபர் மாதம் கமல் தரப்பில் தெரிவிக்கப்பட்டிருந்தது.

இதனால், இப்படம் பொங்கலுக்கு வெளியிடப்படுமா? என, கமல் ரசிகர்கள் எதிர்பார்த்தனர். பொங்கலுக்கு,”கோச்சடையான், வீரம், ஜில்லா படங்கள் வெளியாவதால், “விஸ்வரூபம்2 படம் வெளியீடு குறித்து, அறிவிப்பு வெளியாவதில் தாமதமாகிறது. இந்நிலையில், படம், வரும், ஜனவரி இறுதியில் வெளியிட வாய்ப்புள்ளதாக, கோலிவுட் வட்டாரத்தில் தகவல் வெளியானது.

இது குறித்து, படக்குழு தரப்பில் கூறியதாவது: சில காட்சிகள் படப்பிடிப்பு நடத்தவேண்டியுள்ளது. முன்பு “விஸ்வரூபம் முதல் பாகம், படம் தமிழில் மட்டும், “ஆரோ 3 டி தொழில் நுட்பத்திலும், மற்ற மொழிகளில், சாதாரண டி.டி.எஸ்.சிலும் தான் வெளியிடப்பட்டது.

“விஸ்வரூபம் 2 தமிழ், தெலுங்கு, இந்தியில், “ஆரோ 3டி நவீன தொழில் நுட்பத்தில் வெளியிடப்பட திட்டமுள்ளது. இதுவரை எடுக்கப்பட்ட காட்சிகளுக்கு ஹாலிவுட்டில் சவுண்ட் மிக்ஸிங் நடந்து வருகிறது. படத்தின் பணிகள் முடிக்க குறைந்தது இரண்டு மாதங்கள் வரை ஆகும். இதனால், வரும், பிப்ரவரிக்கு பிறகே, பட வெளியீடு குறித்து அறிவிப்பை எதிர்பார்க்கலாம்.

இவ்வாறு அவர்கள் கூறினர்.

செல்வராகவனின் ஆக்ஷன் படத்தில் தனுஷ்?

தம்பி தனுஷை துள்ளுவதோ இளமை படத்தில் அறிமுகம் செய்த செல்வராகவன், அதன்பிறகு அவரை வைத்து காதல் கொண்டேன், புதுப்பேட்டை, மயக்கம் என்ன ஆகிய படங்களை இயக்கினார். இதில் காதல் கொண்டேன் மட்டுமே வெற்றி பெற்றது.

அதனால் அதன்பிறகு அண்ணன் காம்பினேஷனில் இருந்து விலகி மற்ற இயக்குனர்களின் படங்களில் நடிக்கத் தொடங்கினார் தனுஷ். அதேபோல் செல்வராகவனும் வேறு நடிகர்களை இயக்குவதில் கவனம் செலுத்தினார்.

இதில் கார்த்தி நடித்த ஆயிரத்தில் ஒருவன், ஆர்யா நடித்த இரண்டாம் உலகம் படங்களை மெகா பட்ஜெட்டில் இயக்கிய செல்வராகவன், அடுத்து மினிமம் பட்ஜெட்டில் ஒரு படம் தயாரிக்கப்போகிறாராம். அதுவும் அதிரடி ஆக்சன் படமாம். இந்த படத்தில் நடிக்கும் ஹீரோ யார் என்பது பற்றி இன்னும் முடிவெடுக்கவில்லையாம்.

ஆனால், தனுஷ் நடிக்க வாய்ப்பிருப்பதாக செல்வராகவன் வட்டாரத்தகவல் கூறுகிறது. தற்போது அநேகன், வேலையில்லா பட்டதாரி படங்களில் நடித்துக்கொண்டிருக்கும் தனுஷ், அதையடுத்து வெற்றிமாறன் இயக்கத்தில் நடித்துக்கொண்டே அண்ணனின் படத்தில் நடிப்பார் என்கிறார்கள். ஆக, சுள்ளான், பொல்லாதவன், வேங்கை படங்களுக்குப்பிறகு மீண்டும் சூடுகாட்ட வருகிறார் தனுஷ்.

பழனி முருகன் கோயிலில் நயன்தாரா-உதயநிதி சாமி தரிசனம்!

ஐயா படத்தில் தமிழுக்கு வந்த நயன்தாரா கிறிஸ்தவ மதத்தைச் சேர்ந்தவர். அவரது நிஜப்பெயர் டயானா மரியம் குரியன். தமிழுக்கு வந்த ஆரம்ப காலத்தில் தினமும் நடிக்க வருவதற்கு முன்பு தனது அறையில் பைபில் படித்த பிறகுதான் கேமரா முன்பு வருவார்.

அப்படிப்பட்ட நயன்தாரா, பிரபுதேவாவை காதலித்து திருமணம் செய்ய தயாரானபோது, இந்து மதத்துக்கு மாறினார். இதனால் கேரளாவிலுள்ள கிறிஸ்தவ அமைப்புகள் எதிர்ப்பு தெரிவித்தபோது எதையும் செவிகொடுத்து கேட்கவில்லை அவர்.

இருப்பினும், பிரபுதேவா-நயன்தாரா திருமணம் நடைபெறவில்லை. ஆனபோதும், தொடர்ந்து இந்து ஆலயங்களுக்கு சென்று தரிசனம் செய்து வருகிறார் நயன்தாரா.

அந்த வகையில், நேற்று முன்தினம் உதயநிதியுடன் அவர் நடித்து வரும் இது கதிர்வேலன் காதல் படத்தின் படப்பிடிப்பு திண்டுக்கல்லில் நடைபெற்றபோது, நயன்தாரா, உதயநிதி, டைரக்டர் பிரபாகரன் ஆகியோர் பழனி முருகன் கோயிலுக்கு சென்று சாமி தரிசனம் செய்தார்களாம்.

கோயிலுக்கு நயன்தாரா வந்திருக்கிறார் என்கிற செய்தி காட்டுத்தீ போல் பரவியதும், கோயிலுக்கு வந்த பக்தர்கள் கூட்டம் மொத்தமும் அவர்களை சூழ்ந்து விட்டார்களாம். இதனால் அவசர அவசரமாக சாமி தரிசனம் செய்து விட்டு, பலத்த பாதுகாப்புடன் அங்கிருந்து வெளியேறினார்களாம்.

ரஜினியின் அட்வைசுக்கு பிறகு உஷாரான கோலிவுட் ஹீரோக்கள்!

ஒரு படத்தில் நடித்து அப்படம் வெளியான பிறகுதான் அடுத்த படத்தில் நடிப்பதை கோலிவுட்டின் முன்னணி ஹீரோக்கள் கடந்த ஆண்டு வரை கடைபிடித்து வந்தனர். ஆனால், கும்கி படத்தின் ஆடியோ விழாவில் கலந்து கொண்டு பேசிய ரஜினி, ஒரே நேரத்தில் இரண்டு மூன்று படங்களில் நடிப்பதுதான் சரியானது.

காரணம், மூன்று படங்களில் நடிக்கிறபோது அதில் இரண்டு தோல்வியடைந்தாலும் ஒரு படம் வெற்றி பெற்று மார்க்கெட்டை காப்பாற்றி விடும் என்று இன்றைய இளவட்ட ஹீரோக்களுக்கு தனது சார்பில் அனுபவரீதியான அறிவுரையை வழங்கினார்.

அதையடுத்துதான், ஒரு படத்தில் நடித்து அதன் ரிசல்ட்டை பார்த்து விட்டு அடுத்த படத்தில் கமிட்டான விஜய், அஜீத் போன்ற ஹீரோக்கள், ஒரு படத்தில் நடித்து முடித்ததும் அந்த படம் ரிலீசாவதற்கு முன்பே அதற்கடுத்த படத்தில் நடிக்கத் தொடங்கி விட்டனர்.

அதேபோல், பிரபுவின் மகன் விக்ரம் பிரபு, கார்த்திக்கின் மகன் கெளதம் கார்த்திக் ஆகிய இருவரும் ஒரே நேரத்தில் பல படங்களில் நடித்து வருகின்றனர். இவர்களில் விக்ரம் பிரபு நடிப்பில் கும்கி மட்டுமே வெளிவந்திருக்கிறது. ஆனால் இப்போது இவன் வேற மாதிரி, சிகரம் தொடு, அரிமா நம்பி, தலப்பாகட்டி, எழில் இயக்கும் படம் என 5 படங்களில் நடித்து வருகிறார்.

மணிரத்னத்தின் கடல் படத்தில் அறிமுகமான கெளதம் கார்த்திக, வை ராஜா வை, சிப்பாய், நானும் ரவுடிதான், என்னமோ ஏதோ என நான்கு படங்களில் நடித்து வருகிறார். இவர்களைப்பார்த்து இப்போது ஜெய் போன்ற நடிகர்களும் அதிகப்படியான படங்களை கைப்பற்றத் தொடங்கியிருக்கிறார்கள்.

நான் பெற்ற விருதுகளுக்கு இன்னும் தகுதியுடையவனாக இருந்திருக்க வேண்டும் – கமல் பேச்சு

44வது இந்திய சர்வதேச திரைப்பட விழாவிற்கு சிறப்பு விருந்தினராக அழைக்கப்பட்டிருந்த கமல், கோவா திரைப்பட விழாவில் பல நிகழ்ச்சிகளில் கலந்து கொண்டார். அவர் மீடியாவை சந்தித்தபோது, அவர் கொடுத்த பேட்டியிலிருந்து சில சுவாரஸ்ய தகவல்கள் இதோ…

* ஏக் துஜே கேலியே(கே.பாலசந்தர் இயக்கத்தில் கமல், ரதி நடித்தது) படப்பிடிப்பிற்காக கோவா வந்திருந்தேன். அது தான் கோவாவிற்கு எனது முதல் விஸிட். அந்தப்படம் எனது 101-வது படம், அந்தப்படப்பிடிப்பின் போது ஷெட்டில் ஒர பையன் இருந்தான்.

என்னுடனே நாள் முழுவதும் இருப்பான். பலரிடம் நான் தான் அவனுடைய தந்தை என்று சொல்லுவான்(ஏன்? என தெரியவில்லை) சிரிக்கிறார். அவனுக்கு நீந்துவதற்கு நான் அப்போது சொல்லிக் கொடுத்தேன். கோவா உணவு எனக்கு ரொம்ப பிடிக்கும். பல விஷயங்களில் கோவா எனக்கு முக்கியமானது.

* இதுவரை ஐம்பது மலையாள படங்களில் நடித்திருக்கிறேன். அங்கு உள்ள திரைப்படத்துறையினர் நான் ஒரு மலையாளி என்றே கருதுகிறார்கள். அங்கிருந்து தமிழ் படங்களுக்கு சென்று விட்டதாக நினைக்கிறார்கள்.

விஸ்வரூபம்-2 படத்தை இந்தியில் விஸ்வரூபா-2 என்று அழைக்க போகிறோம். விஸ்வரூபம் அல்ல, விஸ்வரூபம் ரிலீஸானபோது, பெயரை பார்த்து இது டப்பிங் படம் என்று ஆடியன்ஸ் கருதிவிட்டார்கள். இந்தியில் உருவாக்கப்பட்ட படம் இது என்பதை தெளிவுப்படுத்தவே விஸ்வரூபா-2.

* என் மகள் ஸ்ருதியிடமிருந்து ஒரு நடிகையாக நிறையவே எதிர்பார்க்கிறேன். ரஜிகாந்த் போன்ற நடிகர்களை பார்த்து குழந்தையாக ஷெட்டுக்கு ஷெட் தாவி வளர்ந்த பெண். நிறைய சாதிக்க வேண்டும். இசையில் முறையாக ஸ்ருதி, பயிற்சி பெற்றவர்.

* இந்தி திரைப்பட ரசிகர்களிடம் நிறைய பாப்புலாரிட்டி இருக்கும் ஒரு சில தென்னிந்திய நடிகர்களில் கமல்ஹாசன் முக்கியமானவர். நிறைய புதிய சவால் உள்ள பாத்திரம் கிடைத்தால் தான் இந்தி படங்கள் பண்ணுவதில் அர்த்தம் இருக்கிறது.

அதிகப்பணம் கிடைப்பதற்காக மட்டும் அல்ல. புதிய எல்லைகளை உருவாக்க மேலும் அதிக ஆடியன்ஸ் பெறுவதற்கும் பொருத்தமாக இருக்கும் என்கிறார் கமல்.

* விஸ்வரூபம் படத்தின் ரிலீஸின் போது ஏற்பட்ட சர்ச்சைகள் பற்றி கேட்டபோது, சர்ச்சை மட்டும் ஒரு படத்திற்கு உதவி ஆகாது. சர்ச்சை எப்படி ஒரு பெண்ணின் திருமணத்திற்கு உதவும்? அது போலத்தான் இதுவும்! விஸ்வரூபம் வெற்றி பெற்றதால், இரண்டாவது பாகம் உருவாக்கப்படவில்லை. விஸ்வரூபம் படப்பிடிப்பு நடக்கும் போதே இரண்டாம் பாகம் எடுக்க வேண்டும் என்று முடிவு செய்து விட்டோம்.

* இந்தியாவின் மிகவும் போற்றப்படும் திறமையுள்ள நடிகராக இருக்கும் பத்மஸ்ரீ விருது பெற்ற கமல், தான் சாதித்ததே போதும் என்று மகிழ்ச்சியாக திருப்தி அடைந்ததாக இருப்பார் என்று யாராவது நினைத்தால் அது தவறு, மேலும் மேலும் புதுமைகள் செய்ய விரும்பும் கமல், இதுவரை நான் பெற்றுள்ள விருதுகளுக்கு நான் இன்னும் தகுதி உடையவனாக இருந்திருக்க வேண்டும் என்று தன்னடக்கமாக கூறுகிறார்.

நடிகர், கதாசிரியர், பாடல் கவிஞர், தயாரிப்பாளர், டான்ஸ் மாஸ்டர், பாடகர் என்று பல துறைகளில் தன்னை தொடர்ந்து எப்போதும் தன் தரத்தை உயர்த்திக் கொள்ளுவது தான் கமலின் செயல்பாடு. இந்த குணம் தான் அவருக்கு 4 தேசிய விருதுகளையும், 19 பிலிம்பேர் விருதுகளையும் பெற்று கொடுத்திருக்கிறது. இந்த சாதனையை இதுவரை எந்த நடிகரும் செய்ததில்லை.

* கமல் தனது முதல் ஸ்கிரிப்ட்டை ”உணர்ச்சிகள்” என்ற படத்திற்காக தனது 18வது வயதில் எழுதியிருக்கிறார். தொடர்ந்து ராஜபார்வை, சத்யா, அபூர்வ சகோதரர்கள் போன்ற படங்களின் கதைகளை கமல் எழுதியிருக்கிறார்.

* எனக்கு 25 வயதாகும் போது 100 படங்களில் நடித்துவிட்டேன் என்கிறார் கமல். அவருடைய திரை உலக வயது 53. தமிழ், தெலுங்கு, கன்னடம், மலையாளம், இந்தி மொழிப்படங்களில் நடித்திருக்கிறார்.

* இந்தியாவிலிருந்து ஆஸ்கர் விருதுக்கு அனுப்பப்பட்ட படங்களிலேயே கமல் படங்கள் தான் அதிகம்.

* வேறு எந்த நடிகரும் நினைத்து பார்க்க முடியாத சோதனையை சாதனையாகச் செய்தவர் கமல். புஷ்பக விமானம், பேசும்படம் என்று ஒரு வசனம் கூட இல்லாமல் புதுமையான, நகைச்சுவையான படங்களை உருவாக்கி வெற்றி பெற்றவர் கமல். புதிய முயற்சிகள் என்பது ரசிகர்களுக்கு எவ்வளவு முக்கியமோ, அதேப்போன்று நடிகர்களுக்கும் முக்கியம் என்கிறார் கமல்.

* வேகமாக வளர்ந்து வரும் டெக்னாலஜி பற்றி கேட்டபோது, எவ்வளவு டெக்னிக்கல் முன்னேற்றம் வந்தாலும், கதை தான் எப்போதும் முக்கியம். சினிமாவிற்கு டெக்னாலஜியை கொடுத்து வரும் நிறுவனங்களுக்கு பயம் தான் முக்கியமாக இருக்கிறது என்றார்.

ஐஸ்வர்யாராய்-ஜெயாபச்சன் மோதல்?

மாமியார்-மருமகள் மோதல் என்பது பெரும்பாலான வீடுகளில் நடப்பதுதான். அது இப்போது முன்னாள் உலக அழகியும், நடிகையுமான ஐஸ்வர்யாராய் வீட்டிலும் வெடித்திருக்கிறது.

1994ல் உலக அழகியாக தேர்வானவர் ஐஸ்வர்யாராய். 1997ல் மணிரத்னம் இயக்கிய இருவர் படத்தில் கதாநாயகியாக அறிமுகமானவர், பின்னர் ஷங்கர் இயக்கிய ஜீன்ஸ் படத்தில் நடித்தார்.

அதன்பிறகு இந்தி படங்களில் நடிக்கத் தொடங்கிய ஐஸ்வர்யாராய், அபிஷேக்பச்சனுடன் இணைந்து நடித்தபோது அவர்களுக்கிடையே காதல் மலர்ந்தது. அதையடுத்து, 2007ல் அவரை திருமணம் செய்து கொண்டு மும்பையில் செட்டிலானார் ஐஸ்வர்யாராய்.

திருமணத்துக்குப்பிறகும் சினிமாவில் நடித்து வந்த ஐஸ்வர்யாராய், மகள் ஆரத்யா பிறந்த பிறகு நடிப்புக்கு குட்பை சொல்லிவிட்டு முழுநேர இல்லத்தரசி ஆகியிருக்கிறார். மாமனார் அமிதாப்பச்சன், மாமியார் ஜெயா பச்சன் ஆகியோருடன் இத்தனை ஆண்டுகளும் சந்தோசமாகத்தான் வாழ்ந்து வந்தார்.

ஆனால், சமீபகாலமாக மாமியார் ஜெயாபச்சன், ஐஸ்வர்யாராயின் விசயங்களில் அதிகமாக தலையிடுகிறாராம். அதன்காரணமாக அவர்களுக்கிடையே வீட்டுக்குள் மோதல் வெடித்த வண்ணம் உள்ளதாம்.

குறிப்பாக, ஐஸ்வர்யாராயின் வரவு-செலவு கணக்குகளைகூட தன்னிடமே ஒப்படைக்க வேண்டும் என்று ஜெயாபச்சன் பிடிவாதம் செய்கிறாராம். அவர் போடும் பட்ஜெட்டை விட அதிகமாக செலவு செய்து விட்டால் கேள்வி கேட்கிறாராம்.

இதனால் இத்தனை நாளும் பொறுமை காத்து வந்த ஐஸ்வர்யாராய், இப்போது தனிக்குடித்தனம் செல்ல கணவர் அபிஷேக்பச்சனை கேட்டுக்கொண்டு வருகிறாராம். இந்த விவகாரத்தினால் குடும்ப உறுப்பினர்களுக்கிடையே மனக்கசப்பு உருவாகியிருக்கிறதாம்.

நான் ரொம்ப நல்லவங்க! தனக்குத்தானே சான்றிதழ் கொடுக்கும் ஆர்யா!!

நடிகர் ஆர்யா ரொம்ப ஜாலி பேர்வழி. அவர் இருக்கிற இடம் ஒரே கலகலப்பாக இருக்கும் என்று சினிமா வட்டாரங்களில் பேசிக்கொள்கிறார்கள். அதோடு, சிலரைப்போன்று ஈகோவெல்லாம் பார்க்க மாட்டார். பெரிய நடிகர்களோ, சிறிய நடிகர்களோ அனைவரிடமும் ஒரே மனநிலையுடன் தான் பழகுவார் என்றெல்லாம் அவரைச்சார்ந்தவர்கள் சொல்கிறார்கள்.

ஆனால், சமீபகாலமாக ஆர்யாவைப்பற்றி, பிரியாணி கொடுத்தே நடிகைகளை பிக்கப் பண்ணி விடுவார் என்கிற சேதியை சில நடிகர்களே மேடைகளில் சொன்னதால், ஆர்யாவை நெருங்கவே சில புதுமுக நடிகைகள் மிரண்டு கிடக்கிறார்களாம்.

இவரே தேடிச்சென்று பேசினாலும், அவர்கள் தயங்கி தயங்கியே பேசுகிறார்களாம். தன்னைப்பற்றி பரவிக்கிடக்கும் பிக்கப் செய்திதான் இப்படியொரு நிலையை உருவாக்கியிருக்கிறது என்பதை புரியத் தொடங்கியிருக்கிறார் ஆர்யா.

அதனால், தனது அபிமானத்திற்குரிய சில நடிகர்களை, நீங்கள் என்னைப்ப்றறி ஜாலிக்காக பேசுவதுகூட என்மீது மற்றவர்கள் மத்தியில் தவறான இமேஜை ஏற்படுத்தி விடுகிறது.

அதனால் இனிமேல் விளையாட்டாகக்கூட அப்படி பேசாதீர்கள் என்று கேட்டுக்கொண்டு வருகிறாராம் ஆர்யா. அதோடு, தயங்கி நிற்பவர்களிடம், ஜாலிக்காக பேசினதை பெருசாக எடுத்துக்கொள்ளாதீர்கள். நிஜத்தில் நான் ரொம்ப நல்லவுங்க. அது தூரத்துல நிற்கும்போது தெரியாது.

எங்கிட்ட நெருங்கி வந்து பேசி பழகிறபோதுதான் தெரியும். சந்தேகமா இருந்தா, எங்கிட்ட நெருங்கி பழகிற நடிகர்-நடிகைங்ககிட்ட கேட்டுப்பாருங்க என்கிறாராம் நடிகர்.

படாதிபதிகளை மயக்கம் போட வைக்கும் நயன்தாரா!

இரண்டாவது இன்னிங்சில் நயன்தாரா நடித்த ராஜா ராணி, ஆரம்பம் என்ற இரண்டு படங்களுமே ஹிட் என்பதால், எதிர்பாராதவிதமாக அவரது மார்க்கெட் எகிறி நிற்கிறது. இந்தியில் வித்யாபாலன் நடித்த கஹானியின் ரீமேக் படமான அனாமிகா தெலுங்கில் மீண்டும் நயன்தாராவின் மார்க்கெட்டை தூக்கி நிறுத்தியுள்ளது.

இதன்காரணமாக, முதல் இன்னிங்சில் இருந்த அதே பரபரப்பு இப்போதும் நயன்தாராவை தொற்றிக்கொண்டுள்ளது. அதனால் தனது மாஜி கதாநாயகர்களுடன் அடுத்தடுத்து நடிப்பதற்கான முயற்சிகளில் அவர் ஈடுபட்டிருந்த நேரம்தான், இனி யாருடன் நயன்தாரா இணைந்து நடிக்கவே மாட்டார் என்று கோடம்பாக்கம் நினைத்திருந்ததோ அதே சிம்புவுடன் மீண்டும் இணைந்து விட்டார் நயன்தாரா.

இதனால் இதுவரை இருந்ததை விடவும் அவரது மார்க்கெட் இப்போது இன்னும் சூடு பிடித்திருக்கிறது. அதற்கு முன்புவரை பெரிய அளவில் டாக் இல்லாமல் இருந்த அந்த படம் பற்றிய செய்திகள் தற்போது பற்றி எரியத் தொடங்கியிருக்கிறது.

இதன்காரணமாக, அவரை புக் பண்ணுவதற்காக மேலும் சில மெகா பட நிறுவனங்கள் தொடர்பு கொண்டன. ஆனால், சிம்புவுடன் நடிக்கும் படத்துக்கு பேசியிருக்கிற சம்பளத்தை நயன்தாரா சொல்லக்கேட்டதுமே சில படாதிபதிகளுக்கு மயக்கமே வந்து விட்டதாம். அந்த அளவுக்கு பல கோடிகளை சொடக் போட்டு சொல்லி அடிக்கிறாராம் நயன்.

3 படங்களில் போலீஸ் அதிகாரியாக சரத்குமார்

சரத்குமார் தற்போது 3 படங்களில் போலீஸ் அதிகாரியாக நடித்து வருகிறார். அதில் ஒரு படத்தில் ஹீரோவாக நடிக்கிறார். சமுத்திரக்கனி டைரக்ட் செய்யும் நிமிர்ந்து நில் படத்தில் சி.பி.சி.ஐ.டி போலீஸ் அதிகாரியாக நடிக்கிறார். ஹீரோ ஜெயம்ரவியை துரத்துவது அவரது வேலை. அடுத்து அச்சம் தவிர் என்ற படத்தில் போலீஸ் சூப்பிரண்டாக நடிக்கிறார்.

இதுதவிர வேளச்சேரி என்ற படத்தில் என்கவுண்டர் ஸ்பெஷலிஸ்டாக நடிக்கிறார். அவருக்கு ஜோடியாகவும், இளம் வழக்கறிஞராக இனியா நடிக்கிறார். சரத்குமார் போட்டுத் தள்ளும் என்கவுண்டருக்கு எதிராக போராடுபவராக இனியாவுக்கு வித்தியாசமான கேரக்டர்.

என்கவுண்டர் செய்யும் போலீஸ் அதிகாரிகளின் குடும்பம் அதனால் மனரீதியாக எப்படி பாதிக்கப்டுகிறார்கள் என்கிற கோணத்திலும், உண்மையான என்கவுண்டர் எது, போலி என்கவுண்டர் எது என்கிற கோணத்திலும் சொல்லப்படுகிற கதையாம்.

கடந்த சில ஆண்டுகளுக்கு முன்பு வேளச்சேரியில் நடந்த உண்மை சம்பவத்தை அடிப்படையாக கொண்டு இந்த படம் உருவாகிறது. திருமலை வேந்தன் என்பவர் டைரக்ட் செய்கிறார். நிழல்கள்ரவி, இமான் அண்ணாச்சி, செண்ட்ராயன் நடிக்கிறார்கள். தற்போது படப்பிடிப்புகள் கோவாவில் நடைபெற்று வருகிறது.

அட, இதுவும் நல்லாயிருக்கே

பிரசன்னா நடித்திருக்கும் கல்யாண சமையல் சாதம் படத்தை இயக்கியிருப்பதும் ஒரு பிரசன்னாதான். நடித்தவர் வெறும் பிரசன்னா என்றால் இயக்கியவர் ஆர்.எஸ்.பிரசன்னா.

டிசம்பர் 6 படம் திரைக்கு வரும் நிலையில் காசே செலவில்லாத புதுமுறை விளம்பரத்தை நடைமுறைப் படுத்தியிருக்கிறார் ஆர்.எஸ்.பிரசன்னா.

இன்று பெரும்பாலான படங்களின் தலைவிதியை சமூக வலைதளத்தில் வெளியிடப்படும் விமர்சனங்கள்தான் தீர்மானிக்கின்றன. படம் வெளியான அன்றே விமர்சனங்களால் நிரப்பிடுகிறார்கள் பாஸ்ட்ஃபுட் எழுத்தாளர்கள். இந்த பிராய்லர் எழுத்தாளர்களுக்கும் ஒரு மதிப்பு இருக்கவே செய்கிறது.

அப்படி ஃபேஸ்புக் பிராய்லர்களை கவர் செய்யும் விதத்தில் படம் சம்பந்தப்பட்ட அனைவரும் தங்களின் ஃபேஸ்புக் முகப்பு பக்கத்தில் தங்கள் திருமண புகைப்படத்தை பதிவேற்றியிருக்கிறார்கள். லோகா வாஷிங்டன்னுக்கு இன்னும் திருமணம் ஆகவில்லை என்பதால் தனக்கு நெருங்கியவர்களின் திருமண ஆல்பங்களை பதிவேற்றியிருக்கிறாராம்.

தென்னிந்திய திருமண முறையை மையப்படுத்தி நகைச்சுவையுடன் கல்யாண சமையல் சாதம் உருவாகியிருக்கிறது. அதுதான் இந்த புதுமுறை விளம்பரம்.