விக்ரம் பிரபுவை இயக்கும் ‘ஹரிதாஸ்’ இயக்குநர்!

கிஷோர், சிநேகா, சூரி நடிப்பில் இந்த வருடம் வெளியாகி, அனைவரின் பாராட்டையும் பெற்ற படம் ‘ஹரிதாஸ்’. சமீபத்தில் சென்னையில் நடைபெற்ற 11-வது சர்வதேச திரைப்பட விழாவில்,  சிறந்த படத்துக்கான இரண்டாவது விருதைப் பெற்றது இந்தப் படம்.

இந்தப் படத்தை இயக்கிய ஜி.என்.ஆர்.குமாரவேலன், தற்போது விக்ரம் பிரபுவை வைத்து தன்னுடைய அடுத்த படத்தை இயக்க இருக்கிறார். ‘மிஸ்ரி எண்டர்பிரைசஸ்’ நிறுவனம் இந்தப் படத்தைத் தயாரிக்கிறது. ‘தலைவா’ படத்தைத் தயாரித்த ‘ஸ்ரீ மிஸ்ரி புரொடக்‌ஷன்ஸ்’ சந்திரபிரகாஷ் ஜெயினின் தம்பியின் நிறுவனம் இது என்பது குறிப்பிடத்தக்கது. கதாநாயகி உள்ளிட்ட கலைஞர்களின் தேர்வு நடைபெற்று வருகிறது.