காங்கிரஸ், பாஜகவுடன் கூட்டணி இல்லை என்ற முடிவில் திமுக தலைவர் கருணாநிதி உறுதியாக இருப்பாரா என்பது சந்தேகம் என்று பாஜக மாநிலத் தலைவர் பொன்.ராதாகிருஷ்ணன் கூறினார்.
சென்னையில் திங்கள்கிழமை அவர் செய்தியாளர்களிடம் கூறியது:
தேவை என்றால் கூட்டணி வைத்துக் கொள்வதும், வேண்டாம் என்றால் முறித்துக் கொள்வதும் திமுகவின் நடைமுறை. அதுபோல்தான் இப்போதும் திமுக முடிவு எடுத்துள்ளது. கூட்டணியைப் பற்றி பாஜக கவலைப்படவில்லை. எந்தக் கட்சியுடன் கூட்டணி அமைத்தாலும், தமிழகம் உள்ளிட்ட அனைத்து மாநிலங்களிலும் பாஜக வெற்றி பெறுவது உறுதி. 4 மாநிலத் தேர்தலில் காங்கிரஸ் படுதோல்வி அடைந்தது. திமுக எடுத்த முடிவுக்கு காங்கிரஸின் அந்தத் தோல்விகூட காரணமாக இருக்கலாம். கருணாநிதி தற்போது எடுத்து உள்ள முடிவில் உறுதியாக இருப்பாரா என்பது சந்தேகம். யாருடன் பாஜக கூட்டணி அமைக்கிறது என்பதை கட்சியின் மேலிடமே அறிவிக்கும் என்றார் அவர்.
No comments:
Post a Comment