பல்வேறு பிரிவுகளில் சிறப்பாகச் செயல்பட்ட 24 ஐ.ஏ.எஸ். மற்றும் ஐ.பி.எஸ். அதிகாரிகளுக்கு விருதுகள் மற்றும் ரொக்கப் பரிசுகளை முதல்வர் ஜெயலலிதா வெள்ளிக்கிழமை வழங்கினார்.
தலைமைச் செயலகத்தில் மூன்று நாள்கள் நடைபெற்ற மாவட்ட ஆட்சியர்-காவல் துறை உயரதிகாரிகள் மாநாட்டில் நிறைவு நாளான வெள்ளிக்கிழமை ஆட்சியர்கள் மற்றும் காவல் துறை அதிகாரிகளுக்கு விருதுகளை வழங்கினார். அதன் விவரம்:
முதல்வரின் தனிப் பிரிவுக்கு வந்த மனுக்கள் மீது விரைந்து நடவடிக்கை எடுத்தமைக்காக கேடயம்:
முதல் பரிசு: கரூர் மாவட்ட ஆட்சியர் எஸ்.ஜெயந்தி, இரண்டாம் பரிசு-திருச்சி மாவட்ட ஆட்சியர் ஜெயஸ்ரீ முரளிதரன், மூன்றாவது பரிசு-திருவாரூர் மாவட்ட ஆட்சியர் எஸ்.நடராஜன்.
போலீஸ் அதிகாரிகள்: முதல் பரிசு-திருவாரூர் எஸ்.பி. காளிராஜ் மகேஷ்குமார், இரண்டாவது பரிசு-சிவகங்கை எஸ்.பி., அஸ்வின் எம்.கோட்னிஸ், மூன்றாவது பரிசு-வேலூர் எஸ்.பி., பி.விஜயகுமார்.
மாநகர காவல் ஆணையகர வரிசையில், முதல் பரிசு-மதுரை மாநகரம்-ஆணையாளர் சஞ்சய் மாத்தூர்.
அரசுத் துறைகள்: முதல் பரிசு-தமிழ்நாடு மின்சார வாரியத் தலைவர் கு.ஞானதேசிகன், இரண்டாவது பரிசு-சென்னை மாநகராட்சி ஆணையாளர் விக்ரம் கபூர், மூன்றாம் பரிசு-சென்னை குடிநீர் வடிகால் வாரிய நிர்வாக இயக்குநர் பி.சந்திரமோகன்.
மாண்புமிகு முதலமைச்சரின் மின்ஆளுமை விருது: முதல் பரிசு-பெரம்பலூர் மாவட்ட ஆட்சியர் தாரேஷ் அஹமது, அரசுத் துறை-வேலைவாய்ப்பு மற்றும் பயிற்சித் துறை.
குழந்தைத் தொழிலாளர் ஒழிப்புக்கான கேடயம்: தருமபுரி மாவட்ட ஆட்சியர் கே.விவேகானந்தன், வேலூர் மாவட்ட ஆட்சியர் ஆர்.நந்தகோபால்.
மாற்றுத் திறனாளிகள் நலனில் சிறப்புக் கவனம் செலுத்திய ஆட்சியர்களுக்கு 10 கிராம் தங்க நாணயம், ரூ.25 ஆயிரம் ரொக்கப் பரிசு.
முதல் பரிசு-பெரம்பலூர் மாவட்ட ஆட்சியர் தாரேஷ் அஹமது.
இரண்டாம் பரிசு-திருநெல்வேலி மாவட்ட முன்னாள் ஆட்சியர் சி.சமயமூர்த்தி.
மூன்றாவது பரிசு-கரூர் மாவட்ட ஆட்சியர் எஸ்.ஜெயந்தி.
சுகாதாரம் மற்றும் குடும்ப நலத் துறையில் சிறப்பாகச் செயல்பட்டவர்களுக்கு சான்றிதழ் மற்றும் தங்க முலாம் பூசப்பட்ட பதக்கம்: வேலூர் மாவட்ட முன்னாள் ஆட்சியரும் நீலகிரி மாவட்ட இப்போதைய ஆட்சியருமான பி.சங்கர், தேனி மாவட்ட ஆட்சியர் கே.எஸ்.பழனிசாமி, ராமநாதபுரம் மாவட்ட ஆட்சியர் கே.நந்தகுமார்.
சுற்றுச்சூழல் மற்றும் வனத் துறையில் சிறப்பாகச் செயல்பட்டவர்களுக்கான பசுமை விருது: முதல் பரிசு: திருச்சி மாவட்ட ஆட்சியர் ஜெயஸ்ரீ முரளிதரன், இரண்டாம் பரிசு-நாமக்கல் மாவட்ட ஆட்சியர் வி.தட்சணாமூர்த்தி, நீலகிரி மாவட்ட ஆட்சியர் பி.சங்கர்.
முதல்வரின் சிறப்பு விருது: முதல்வரின் சிறப்பு விருதுகள் சேலம் மாவட்ட ஆட்சியர் கே.மகரபூஷணம், விழுப்புரம் மாவட்ட ஆட்சியர் வி.சம்பத் ஆகியோருக்கு வழங்கப்பட்டன.
No comments:
Post a Comment