'தல' இப்போ மொட்டை!

ரசிகர்களால் தல என அழைக்கப்படும் அஜீத், அடுத்த படத்தில் இந்தத் தோற்றத்தில் வருகிறார், அந்தத் தோற்றத்தில் வருகிறார் என்றெல்லாம் மீடியா செய்தி போட்டுக் கொண்டிருக்க, அவரோ... மழு மழுவென மொட்டை போட்டுக் கொண்டு வந்து நிற்கிறார்! இணையதளங்களிலும், சமூக வலைத் தளங்களிலும் அஜீத்தின் இந்த மொட்டை லுக்தான் பரபரவென பரவி வருகிறது. தாடி மீசை மற்றும் தலைமுடியை வழித்துவிட்டு, தடித்த பிரேம் கண்ணாடியுடன் நண்பர்களுடன் அவர் காட்சி தருகிறார்.



ஏன் இந்த முடிவு

வீரம் படத்துக்குப் பிறகு கொஞ்ச நாள் வெளிநாடுகளில் ஜாலியாக சுற்றப் போகிறார் அஜீத். மேலும் கவுதம் மேனன் படம் தொடங்க எப்படியும் மூன்று மாதங்களுக்கு மேல் பிடிக்கப் போகிறது. அதற்குள் முடியும் வளர்ந்துவிடும் என்பதால் மொட்டை போட்டுவிட்டார் அஜீத் என்கிறார்கள்.