ரஷிய ராணுவ விமான விபத்து: 9 பேர் பலி

ரஷிய சரக்கு விமானம் ராணுவ கிடங்கு கட்டடத்தில் மோதியதில் 9 பேர் பலியானார்கள்.

ரஷியாவின் சைபீரிய மாகாணம் நோவோசிபிர்ஸ்க் நகரில் இருந்து விமானி உள்பட 9 பேருடன் ராணுவ சரக்கு விமானம் ஒன்று இர்குட்ஸ்க் நகருக்கு புறப்பட்டது.

அந்த விமானம் இர்குட்ஸ்க் நகரில் உள்ள ராணுவக் கிடங்கு கட்டடத்தின் மீது திடீரென மோதியது. இதில் விமானத்தில் இருந்த 9 பேரும் பலியானதாக ரஷிய அரசு தெரிவித்துள்ளது.

ரஷிய பாதுகாப்புத்துறை அமைச்சக செய்தி தொடர்பாளர் கூறுகையில், ""அந்த விமானம் ஆட்டோ உதிரி பாகங்கள் வைக்கப்பட்டிருந்த இரண்டு கட்டடங்களின் மீது மோதியது. இதில் தரைத்தளத்தில் இருந்த யாரும் காயமடையவில்லை'' என்றார்.