நடிகர் சின்னி ஜெயந்துக்கு டாக்டர் பட்டம்

நகைச்சுவை நடிகர் சின்னி ஜெயந்துக்கு, ’த ஓப்பன் இண்டர்நேஷனல் யுனிவர்சிட்டி ஆஃப் ஆல்டர்நேட் மெடிசின்’ கெளரவ டாக்டர் பட்டம் வழங்க இருக்கிறது.

மிமிக்ரி கலைஞரான சின்னி ஜெயந்த், 1984ஆம் ஆண்டு ‘கை கொடுக்கும் கை’ என்ற படத்தின் மூலம் சினிமாவில் அறிமுகமானார்.

கடந்த 29 ஆண்டுகால சினிமா வாழ்க்கையில், ஏராளமான திரைப்படங்களில் நடித்துள்ளனர். மேலும், பல்வேறு மேடை நிகழ்ச்சிகளிலும் கலந்து கொண்டுள்ளார். அத்துடன் சமூக சேவைகளிலும் ஈடுபட்டு வருகிறார்.

அவருடைய கலைச்சேவையைப் பாராட்டி, கெளரவ டாக்டர் பட்டத்தை மாற்று மருந்தியல் பல்கலைக்கழகம் வழங்க இருக்கிறது. வருகிற 29ஆம் தேதி சென்னையில் நடைபெறும் விழாவில் கெளரவ டாக்டர் பட்டம் சின்னி ஜெயந்துக்கு வழங்கப்படும்.