தியேட்டரில் சிம்பு-நயன்தாரா

சிம்பு இப்போது ஒரே நேரத்தில் இரண்டு புதிய படங்களில் பிஸியாக நடித்துக் கொண்டிருக்கிறார்.

ஒன்று, பாண்டிராஜ் இயக்கும் படம், மற்றொன்று கௌதம் மேனன் இயக்கும் படம். இதில் பாண்டிராஜ் இயக்கும் படத்தில் சிம்புவுக்கு ஜோடியாக நயன்தாரா நடிக்கிறார். இன்னும் பெயரிடப்படாத இப்படத்தின் படப்பிடிப்பு விறுவிறுப்பாக நடந்து வருகிறது.

இதுவரை நயன்தாரா இல்லாமல் நடந்து கொண்டிருந்த இந்த படத்தின் படப்பிடிப்பில் தற்போது நயன்தாராவும் கலந்துகொண்டதால் படப்பிடிப்பு வேகமெடுத்துள்ளது. சமீபத்தில் சிம்பு-நயன்தாரா சம்மந்தப்பட்ட காட்சியை சென்னை சத்யம் தியேட்டரில் வைத்து படமாக்கியுள்ளனர்.

சிம்பு சத்யம் தியேட்டரில் வாசலில் ஜீன்ஸ், டீ சர்ட் அணிந்து சூரியுடன் வாசலில் நிற்பது போலவும், அப்போது நயன்தாரா வந்ததும், இருவரும் தியேட்டரின் கேண்டீனுக்கு செல்வது போலவும் காட்சிகள் எடுக்கப்பட்டதாக கூறப்படுகிறது. படம் பார்க்க வந்த ரசிகர்கள் சிம்புவையும், நயன் தாராவையும் பார்த்து இன்ப அதிர்ச்சியில் மூழ்கிவிட்டனராம்.