சினிமா நட்சத்திரங்கள் விளையாடும் நட்சத்திர கிரிக்கெட் போட்டியின் சென்னை அணி விளம்பர துணை தூதராக சஞ்சிதா ஷெட்டி நியமிக்கப்பட்டுள்ளார்.
கடந்த மூன்று ஆண்டுகளாக சி.சி.எல்.எனப்படும் செலிபிரிட்டி கிரிக்கெட் லீக் போட்டிகள் நடந்து வருகிறது. இந்தப் போட்டியில் தமிழ், தெலுங்கு, கன்னடம், மலையாளம், இந்தி உள்ளிட்ட திரையுலகை சேர்ந்த அணிகள் பங்கேற்று விளையாடி வருகிறார்கள். விரைவில் 4வது ஆண்டு சி.சி.எல்.போட்டிகள் நடக்கவிருக்கிறது.
சென்னை, புனே, ஐதராபாத், பெங்களூர் உள்ளிட்ட இடங்களில் இப்போட்டிகள் நடைபெறவிருக்கிறது. ஏற்கெனவே சென்னை அணிக்கு நடிகை த்ரிஷா விளம்பர தூதராக நியமிக்கப்பட்டுள்ள நிலையில் இப்போது நடிகை சஞ்சிதா ஷெட்டியும், சென்னை அணியின் துணை விளம்பர தூதராக நியமிக்கப்பட்டுள்ளார்.
ஒவ்வொரு அணிக்கும் அந்தந்த மாநிலத்து சினிமா பிரபலங்கள் விளம்பர தூதர்களாக நியமிக்கப்படுவது வழக்கம்! அந்த வகையில் இந்த வருடம் தமிழக அணிக்கு த்ரிஷா மற்றும் சஞ்சிதா ஷெட்டி விளம்பர தூதர்களாக நியமிக்கப்பட்டிருக்கிறார்கள்.
No comments:
Post a Comment