மக்களவைத் தேர்தல்: பாஜக இன்று ஆலோசனை

மக்களவைத் தேர்தல் குறித்து தில்லியில் இன்று பாஜக தலைவர்கள் ஆலோசனை நடத்தவுள்ளனர்.

இக்கூட்டத்தில், பாஜக ஆளும் மாநில முதல்வர்கள், ஆட்சிமன்ற குழுவினர், அக்கட்சியின் மாநில தலைவர்கள் மற்றும் மூத்த தலைவர்கள் கலந்து கொள்கின்றனர்.

பாஜக பிரதமர் பதவி வேட்பாளர் நரேந்திர மோடியின் பிரசாரத்திற்கு மக்களிடையே அதிக வரவேற்பு கிடைத்திருப்பதாக அக்கட்சி கருதுகிறது. எனவே ஏற்கெனவே திட்டமிட்டதை விட கூடுதலான இடங்களில் மோடி பிரசாரம் செய்வது குறித்தும், பாஜக தலைவர்கள் தினமும் 3 முதல் 4 பிரசார கூட்டங்களில் கலந்து கொள்வது குறித்தும் இக்கூட்டத்தில் விவாதிக்கப்பட உள்ளது.