மதுரைக் காமராசர் பல்கலைக்கழக முதுநிலை பட்டப்படிப்பு (பருவமுறை) நவம்பர் 2013 தேர்வு முடிவுகள் வெளியிடப்பட்டுள்ளன.
எம்ஏ(இசை) (சிபி.சிஎஸ்), எம்ஏ(இந்திய கலாச்சாரம்)(சிபிசிஎஸ்), எம்ஏ தமிழ்(சிபிசிஎஸ்), எம்ஏ விலங்கியல்(சிபிசிஎஸ்), எம்எஸ்சி மைக்ரோபயாலஜி(சிபிசிஎஸ்), எம்எஸ்சி(சந்தைப்படுத்தும் உளவியல்) சிபிசிஎஸ், எம்எஸ்சி பயோ இன்ஜினியரிங்(சிபிசிஎஸ்), எம்எஸ்சி பயோடெக்னாலஜி(சிபிசிஎஸ்), எம்எஸ்சி இயற்பியல்(சிபிசிஎஸ்) ஆகிய பாடங்களுக்கான தேர்வு முடிவுகள் வெளியாகியுள்ளன.
மாணவர்கள் தங்களது தேர்வு முடிவுகளை www.mkuniversity.org என்ற இணையத்தளம் மூலமாக தெரிந்து கொள்ளலாம். மேற்கண்ட பாடங்களுக்கு மறுமதிப்பீட்டிற்கு விண்ணப்பிக்க விரும்பும் மாணவர்கள் மதிப்பெண் பட்டியல் வரும்வரை காத்திராமல், அதற்குரிய விண்ணப்பங்களை இணையத்தளம் மூலமாக பெற்றுக் கொள்ளலாம். மறுமதிப்பீடு செய்ய விரும்பும் மாணவர்கள் அதற்குரிய விண்ணப்பங்களை 8.1.2014 மாலை 5 மணிக்குள் தேர்வாணையர் அலுவலகத்தில் கிடைக்கும்படி அனுப்பி வைக்க வேண்டும்.
மறுமதிப்பீட்டுக் கட்டணத்தை கேட்பு வரைவோலையாக மட்டுமே அனுப்ப வேண்டும். தாமதமாக வரும் விண்ணப்பங்கள் ஏற்றுக் கொள்ளப்படமாட்டாது. செலுத்திய பணமும் திருப்பித் தரப்படமாட்டாது, என பல்கலைக்கழக தேர்வாணையர்(பொறுப்பு) மு.ராஜியக்கொடி தெரிவித்துள்ளார்.
No comments:
Post a Comment