கர்நாடக ஜனதா கட்சித் தலைவரும், முன்னாள் முதல்வருமான எடியூரப்பா பாஜகவில் மீண்டும் இணைவதால் காங்கிரஸýக்கு எந்தவிதப் பாதிப்பும் ஏற்படாது என்று, அந்த மாநில காங்கிரஸ் தலைவர் ஜி.பரமேஸ்வர் தெரிவித்தார்.
இதுகுறித்து பெங்களூருவில் வெள்ளிக்கிழமை செய்தியாளர்களிடம் அவர் கூறியது:
சித்தராமையா தலைமையிலான காங்கிரஸ் அரசுக்கு எந்தவித தொந்தரவும் இல்லை. அரசும் நல்லாட்சி நடத்தி வருகிறது. மக்களுக்கு அளித்த தேர்தல் வாக்குறுதிகளை நிறைவேற்றி வருகிறது.
மேலும் பல வாக்குறுதிகளை நிறைவேற்றும் நோக்கில் அரசு செயல்பட்டு வருகிறது.
எனவே, முதல்வர் சித்தராமையாவுக்கு எதிராக யாரும் பேசக் கூடாது.
எடியூரப்பா பாஜகவில் மீண்டும் இணைவதால் காங்கிரஸýக்கு எந்தவித பாதிப்பும் ஏற்படாது. வாரியம், கழகங்களுக்குத் தலைவர்கள் நியமிப்பது குறித்து விரைவில் முடிவெடுப்போம் என்றார் அவர்.
No comments:
Post a Comment